Story 118

13558602_1052181081529463_8024914246200044549_o

ماكيدوز النهار حتى كانبغي نموت  » ..
كان خاصو يقول ليا هاد الكلمات باش ترجع بيا السمطة اللور و انا نسول علاش ؟ .. كنت نقرا و نسهر الليالي و لكن مكنتش انموت .. كنت نمشي في الطوبيسات و مرة يجي مرة مايجيش و لكن ماكنتش انموت .. كانشوف الناس خدامين النهار كامل و كايجيو ديركت ينعسو و ماكانوش ايموتو .. علاش هو قال هادشي ؟ شناهو لي خلاه يحس بالموت !
الجواب على هذا السؤال كان في خلال الطريق ديالي باش وصلت ليه .. هاد السيد بعيد عن اخر بلاصة لي توصل ليها السيارة ب 70 كلم .. لي كاتضربها على رجلك باش توصل هنا .. و بعيد على الدوار ديالو ب 7 ساعات ديال الطريق بين الجبال .. و هو الأن يعيش وحيدا مع الماعز ديالو في اعماق الأطلس .. بوحدو كايبرك بالأشهر .. مقطوع عن العالم .. لا ريزو لا هاتف لا والو .. و بالنسبة للتغدية ديالو فهو كايعتمد بكثرة على حليب الماعز و مرة مرة كايجي شي واحد من الاهل يجيب ليه الخبز و العدس و الشعرية لي كاياكلهم بالملمتر .. هادشي مرة في 15 يوم تقريبا .. اما المبيت ديالو .. فهو كايبان ليكم في الصورة لي كاتجمع فيه كوزينة و بيت النعاس و ايضا كاينعس معاه الماعز لي يالله تولد .. و انا باش تلاقيت هاد السيد ( ابعد منطقة كانوصل ليها في الجبال) عاد فهمت واحد القصة ديال السيد لي مات ليه ولدو و هو كان سارح تما نيت .. حيث قرصاتو شي حاجة و فين جا يوصل للدوار جتى مات ..
نعم ماكيدوز النهار حتى كايبغي يموت .. حكاش الى وقعات ليه شي حاجة الله يحفظك .. فهو يعتبر نفسه في عداد الأموات و الله كايحفظوا صافي ..
و انا بالنسبة ليا ملي كانشوف هادشي و كيفاش الناس عايشين و مقاتلين مع الحياه .. مابقات كاتبان ليا صعوبة فحتى شي حاجة .. و ولا يبان ليا شحال حنا لي فالمدينة معززين مكرمين شحال فينا ديال التبعكيك و الشكوى .. و الحمد لله
 
There is no single day that passes that I haven’t felt like dying.
He had to tell me those words so i can go back in time to ask him why.
I used to go to school, stay up late studying. Yet it never felt like dying.
I used to take the bus with all the struggles with timing whether it came on time or not. Yet, I never felt like dying.
I used to see people working all day and go home straight to sleep. Yet, they never felt like dying.
Why did he say that? What made him feel death every day?
 
i have reached the answer to this questions on my way… This man lived 70 km away from a driveway .. A place that you can only walk to.. 7 hours away from his village on mountain and now he is living alone with his sheep in the deep atlas… Alone for months… Isolated from the world… No network coverage, no phone– nothing…
He depends solely on goats milk and from time to time one of his family members might bring him bread, lentils and pasta which he consumes with extreme caution… He receives this food once every other week.. As it is shown in the picture, his dwelling includes a kitchen and a bedroom. A baby goats will likely spend the night with him here … Only after I met this man (in the most remote place i have reached in mountains) that I got to know the story of a man’s kid who was herding sheep over there also who was bitten by an insect and couldn’t make it home.
Indeed, there is no single day that passes that he hasn’t felt like dying because if something happened to him. He will simply considers himself dead already.. He has only God to protect him.
After I have witnessed how people struggle in this life, I no longer see any difficulty in anything… I compare to how comfortable and easy our life is in cities and how much we complain for nothing. Thank God.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *